愛是用心去感受的，你感受到嗎？

估你唔到

rene520118 — Mon, 08 Sep 2008 15:30:05 +0800

唉......我自問閱人無數特別係男生，真係估佢唔到只可以用異於常人形容。至慘既係佢既出發點都係善意，你又我叫點嬲得落佢，反然因為佢既率直同可惡，無打錯係可惡而唔係可愛，反然令我對佢寵愛有加....正賤骨頭。其實呢個知己都唔錯，你話佢無心又唔係，平時同佢去街你會發現，原來佢有留心我講過既野，當然佢都會成日忙到忘記左答應我既野，唔緊要啦﹗有時會想佢已經盡左力去令我開心，雖則都係小事但我要既都係一份關心，做知己都係想對方會關心下自己，又唔洗付出好多同責任咋。呢種相處大家先可以輕鬆去面對，閒時有空會相約談天，一次過訴盡心事或者怨氣，都幾好呀﹗至於女生知己方面，都唔錯最近識左個台灣妹，神經質得來又幾可愛.....哈哈。我都會成日氹佢嫁，佢仲同我講如果我係男生一定愛死我，其實我都想做男生但亞媽生成我做左女無計，有得揀我一定做仔開心好多，同煩惱少好多至少無每月一煩嘛....哈哈﹗講到呢到又差唔多，要努力溫書不容有失，事關claim成萬蚊點都要出點奶力先掂，下次再分享byebye。

泰國之旅

rene520118 — Fri, 25 Jul 2008 10:42:02 +0800

由於一直忙於交論文所以都好耐無寫blog，終於起貨我約左朋友仔去泰國玩，實行陽光與海灘，曬到黑黑地都唔錯呀﹗一去就五日都幾好玩，有激流有表演有spa又去酒吧街再落埋D，爽到爆仲要泰式按摩搞左兩晚哈哈。其實我去左泰國好多次一樣都咁正，無計價錢抵之餘可以皇帝式享受嘛，全程用左8000大元一條友計wor，講真唔貴已經喪玩喪食，當然物價指數都升唔少，但相比去其他地方已經平左，要就住玩我寧願唔去啦﹗如果去日本我仲更加流血不止。呢個七月過得特別快，終於唔再落雨曬爆既感覺返左嚟，我愛炎夏我愛曬爆

至爆的一星期

rene520118 — Tue, 17 Jun 2008 10:21:14 +0800

近日除左忙於睇歐國盃之外，都係忙D無聊既工作，去面對一D假到唔肯既人，無計人生都係一場戲無謂太認真，加上人生百態無奇不有，我心態係做好自己就算，同埋多個朋友總好過多個敵人，我同朋友仔想法估唔到有時都一樣最近朋友仔講佢好黑仔，聽完之後原來佢係一個無橫財命既人，次次羸到既錢都會冤枉咁回吐返出來，都幾慘但係放心因為我將一半既lucky送左比你，你已經無咁黑仔啦......哈哈會越變越旺唔信留意下講返本星期由於個懶鬼亞sir成日請假關係，害我地本星期要連上五日堂補返之前既堂，簡直想死心諗晚晚十點先落堂，返到屋佐澡得涼都成十一點幾，攰到想死咁滯，至慘係我星期五又要考強制試，心理壓力超大，呢個時候我又要爆，爆發我既頑強小宇宙，請各位幫忙打打氣。

我......愛的紋身

rene520118 — Fri, 06 Jun 2008 10:27:31 +0800

繼任性行動第一擊學電單車，我已經覺得自己膽粗粗，今次再接第二擊，簡直係超激，

因為我去左紋身完成左我既夢想，多謝波波既精美設計我非常鐘愛，個圖簡單但好岩我。

昨晚去到都心情緊張，由於亞Ray係六樓后座裡面幫班藝人整臨時紋身，同時都幫

有名藝人整永久紋身，所以對佢信心好大。記得剛落針時唔夠一分鐘我叫晒，嘩﹗

原來幾Q痛，經過多次小小休息下，我終於適應左個種痛，心諗我紋得咁細都咁激，

怪不得D仔紋成幅圖要high住紋，原來一D都無吹水......哈哈﹗所以話傷口痛極都會有

麻木既時候，痛痛下就慣啦﹗唔覺唔覺都紋成兩粒鐘，但見到係自己想要既效果，即時

笑晒口啦.........痛但值得，因為我鐘意lo

你最近還好嗎？

rene520118 — Tue, 03 Jun 2008 23:15:27 +0800

挑一張耶誕卡寫上滿滿祝福的話
地址寫的是心底你能不能收到它
天有點冷風有點大城市寧靜而喧嘩
這一個冬天我得一個人走回家
問自己習慣了嗎
沒有你每到夜裏回聲變得好大
有沒有什麽好方法讓寂寞更聽話
你最近還好嗎是不是也在思念裏掙扎
你說會記得我還記得嗎
你最近還好嗎
忙碌嗎累嗎心還會痛嗎
如果真不得已忘了我
快向快樂出發
有再多的牽掛都已沒有權利表達
舊情人給的問候比陌生人還尷尬
昨天遠了明天還長回憶模糊但巨大
這樣的深夜眼淚要怎樣不流下
問自己習慣了嗎
沒有你每到夜裏回聲變得好大
有沒有什麽好方法讓寂寞更聽話
你最近還好嗎是不是也在思念裏掙扎
你說會記得我還記得嗎
你最近還好嗎
忙碌嗎累嗎心還會痛嗎
如果真不得已忘了我
快向快樂出發
你最近還好嗎是不是也在思念裏掙扎
你說會記得我還記得嗎
你最近還好嗎
忙碌嗎累嗎心還會痛嗎
如果真不得已忘了我
快向快樂出發

六月新開始

rene520118 — Tue, 03 Jun 2008 13:29:15 +0800

六月份我要努力做論文，我同4800字死過，實行搞盡腦汁同膽汁去博過，估唔到HRM都唔易仲要難到爆，所以我今次要出七乘功力去搞搞佢。另方面我七月份要出賽備戰中，努力減磅中可惜無嘜起色，無計人大左身陳代謝慢，重點我無做運動哈哈﹗幸好節食下都輕左三磅，最多上磅當日嘜都唔食唔飲，可能過到關試左先講。七月二日決定左行程，最終再去泰國布吉既哈哈PP同蛋島進發，其實都可以雖然十狗幾年前已經去過，計埋前前後後我都去過七﹑八次咁多，但泰國既渡假村百去不厭，無計水清到見底藍天加碧海，陽光與海灘我無任歡迎，唔係串自從小時去過外國既海灘暢泳，我已經唔再去香港既垃圾灘游水，真係唔敢見到都怕怕，淨曬都無況落水真係咪搞我，所以每年我至少出外旅遊一兩次，我成日覺得賺得來洗得去，所以本住喪玩喪食宗旨，我會影多D相同大家分享既，努力六月享受七月.....Yeah

我不難過

rene520118 — Wed, 28 May 2008 17:10:19 +0800

去年既5月27日爸爸走左，果日情境我永遠都記得，真係好似做戲咁，睇住部心跳機一下一下，變成一直線然後長響，當時我成個人都崩潰左，從未試過眼淚流到唔停，流到有種想出血既感覺，個心痛到無辦法去形容。咁快就一年，昨日我以為我會好難過，但我發現我終於可以放下呢種痛苦，慢慢將佢變成一種正能量，可能一個人改變左我，令我明白到有好多事都要靠自己去渡過，身邊既人只可以慰問，但實際都要靠自己衝過去。其實最近都發生左好多事，所以我看左好多書，希望尋找到我想要既答案，又做左好多任性既事，以為可以快樂點。原來我好傻其實一切都係假象，我應該回到現實裡，投入我正常既生活。如果要我當一切從未發生過，我真係辦唔到，所以我會放入我心中，寄存呢份片段。我明白到身邊既人，終會有一日離我而去，所以我要學懂堅強同適應，因為現實好殘酷唔會因為你唔開心而停下來，人生就是如此一樣要面對生活，從今天起我不再為誰而難過，我要為自己而生去活出我既未來。

生日快樂

rene520118 — Tue, 20 May 2008 21:58:17 +0800

五月十七日星期六好開心因為朋友仔同我提前慶祝生日，收到我最愛既禮物之餘，我最開心係收到個紙袋同蛋糕仔，因為非常有heart's gift成日都以為朋友仔無記性同無我心，點知果日既佢變得好有心思，我非常開心所以知己永遠都是最好的。我又大一歲所以要更加努力去為目標進發，朋友仔你都係呀，可能你會好忙忙到無時間看我既blog，但唔緊要因為你有mood既時候先看最好，因為你先會記得我講既每一句說話嘛.....哈哈﹗19號晚上都有好多朋友仔同我慶祝，大家送既禮物都好有心思，所以我會將所有禮物逐一顯示資料夾，如果朋友仔得閒可以去看下相架，可能其中一份是你或妳送架。2008年5月20日最難忘的生日Happy Birhty to you and me

我愛炎炎夏日之又一次任性

rene520118 — Tue, 13 May 2008 10:23:41 +0800

近日天氣都非常好，我愛暖暖既陽光，照係身上個感覺好warm，所以迎接仲夏我都剪左個超短髮，看起來個人都爽點，哈哈﹗我定左個目標就係去考電單車，原本想買車但太貴，車位問題又好難解決，加上牌費保險樣樣貴，所以表哥仔靈機一觸，叫我去考電單車，事關有架Z3-250 or 150個樣超令仔，有頂同埋好似私家車feel，仲要香港未有兩三個月先有貨，岩晒我夠時間去考牌，估佢唔到家陣電單車都幾貴，考下都成7000元有點肉痛，但係以我想做就去做既性格，無計阻唔住團火所以衝出來，報左先算......又一次任性希望我可以順利完成。

5月份的小宇宙

rene520118 — Wed, 07 May 2008 22:32:12 +0800

5月份對我來說義意好大，因為我既爸爸死忌，仲要係我生日之後既7日，其實去年至今都悶悶不樂，一直都迷失另一個世界，講真我係時候醒下，可能人前既我開心無憂，人後既我其實有苦自己知，夜靜時我更加唔開心，可能獨處既時候太多，但係我同自己講由今日起，要重燃我既小宇宙，我要由太空中返回地球，哈哈再次回復真正既我，因為我要履行做開心果既使命，將開心快樂帶給每一個我最錫既朋友們，要乘風破浪勇往直前

我開始了解你了

rene520118 — Tue, 29 Apr 2008 15:45:48 +0800

我只可以講句真係好開心，我知朋友仔都好開心，因為我直覺lo 用文字好難表達到我現在呢一刻心情，所以我照舊全部放入心中，美好既片段都在腦海中寄存，你永遠都是我心中既可愛專屬天使，我終於明白到了解您既重要，怎樣方式去相處唔重要，最緊要大家都開心，你說對嗎？

PS : 不要放棄跟對方溝通的機會，你會發覺錯失很多的無限個可能。

給我轉換器

rene520118 — Tue, 22 Apr 2008 10:07:19 +0800

如果我要問叮噹借一野樣，一定唔係隨意門，我想要個轉換器，我可以將唔開心放入去變開心，又可以將悲傷和抱怨放入去變勇氣和體諒，將出賣放入去變體驗，將嫌棄討厭放入去變接受和面對，將一切不好的﹑痛心的放進去，可能轉出來的效果不一定全部變開心，但可以把傷痛減到最低，可以變成另一個角度和方式去接受，因為成長要必須接受磨練，勇於面對不平凡既人生，生命才精采。平坦無風浪既人生太乏味，我係一個不甘於平淡既女生，所以我會努力逐一擊破，好好體驗我成長既每一段路，付出成長的代價怎樣都值得﹗因為有喜有悲，有快樂和不快樂，人生才有比較，才明白自己想要的到底是什麼，我懂了朋友們你懂嗎？ ( 特別鳴謝一位好友係佢令我想通左一D野，你唔開心時找我我一定出現的 )

P.S 我不在乎我沒有的，我只在乎現在擁有的。

為什麼對我那麼好

rene520118 — Mon, 14 Apr 2008 14:29:08 +0800

今日唔知點解心情好down，有時覺得自己好茅盾，常為小事煩不了，有時為了朋友的戀事不值，有時會為了姊妹們活動想太多，有時為家人常來電煩擾而燥底，有時又為自己悶透既功課論文，血都嘔多幾滴，真PK。我頂比條生路好wor，我都想開心點咋無謂打搞我，害我心情急轉直下好嗎？其實都係我自討沒趣，有時好邪門每次我唔開心時佢都出現，或者會來電問候我，或是msn笑笑口問我做緊嘜，畢境相識多年知我莫若他，雖然短短十分鐘既通話，但我心情好輕鬆﹑好似釋放左好多，點解你可以對我咁好??我都選擇得對你做我一輩子朋友，我地可以暢所欲言，因為大家都無期待對方付出什麼，或者可以得到什麼，所以先可以咁自由，咁無拘束去相處。佢送左句說話給我，唔錯的同好友們分享。

別離並不可怕，重要的是學習持續的愛您自己

不要到盡頭才懂珍惜

rene520118 — Sun, 13 Apr 2008 21:45:56 +0800

今晚心情特別Blue所以寫左呢段心情既blog。有時覺得人好奇怪，好似D藝人咁死左之後，先會被人發現，或者會加封追思，一定要送個勁大獎過佢，難道在生之前沒有人察覺到佢既重要?人都死了先痛心有用嗎?？點解唔可以在生時給對方快樂和多點愛，就是那麼的一點點愛?!現實生活中都一樣，大家都會因為忙忽略左身邊愛你既人，其實愛既國度裡不單只有愛情，有友情﹑親情，如果愛心滿溢可以好似我咁助養小朋友，或者助養小狗都得，只要能力做到同埋自己開心就ok。人生在世都係走一個圈︿再怎樣你都不能夠帶走任何東西，再說要走時你也不知是什麼時候，既然如此，就要懂得珍惜身邊你愛既，同愛你既人，朋友們我也珍惜你們，所以不用懷疑我所做的一切，因為都是出於很簡單既愛，你們感受到嗎？ 如果真的給我一顆許願的流星，我希望身邊的他和她都得到幸福和快樂。

愛不是這樣的

rene520118 — Fri, 11 Apr 2008 09:48:12 +0800

我朋友仔好傻，佢男朋友在外面有女友，於是，佢都出去找男友。然而，兩者的分别是她男朋友找自己喜歡的女生，她卻去找自己不喜歡的男生。佢以為用報復心態，竟然去跟一個自己不愛的男生做些傻事。當然佢男友並没有因此而回到她身邊，反而走得更遠。到頭來佢什麼也得不到，最受傷最難受既只有佢一個。其實愛不是這樣，如果你選擇報復，就是放棄溝通。當你决定報復，你是跟他各朝相反方向走。既然如此，你以為你和他還能够在路上碰頭嗎？當你清醒後，你會發現男生不受威脅和報復這一套，你努力和耐心去挽留過，他都不回頭時就放手吧﹗愛一個人沒有理由，只有在不愛對方時可以提交出千萬種原因，拖拖拉拉沒用的，你應該去找懂得愛你既人才對﹗勇敢面對不要逃避，沒有不能解決既事，只是時間既問題。